- දෙගුරුන් නැමද උදෑසන 7.15 ට පෙර පාසලට පැමිණිය යුතුය.
- නිල ඇඳුම අපේ අනන්යතාව හෙළි කරයි. ඒ නිසා ඔබ නියමිත ප්රමිතියට සකස් වී දිනපතා පාසලට පැමිණිය යුතුය. පාසල තුළදී මෙන්ම බස් රථවලදී හෝ බැහැර දී ද නිල ඇඳුමේ ගෞරවය ආරක්ෂා වන පරිදි හැසිරිය යුතු බව මනාව වටහා ගෙන කටයුතු කළ යුතුය.
- ප්රධාන ගේට්ටුවෙන් ඇතුළු වන ඔබ පළමුවෙන්ම බුදු මැදුරට නමස්කාර කළ යුතු වේ.
- උදෑසනින් ම හමුවන ගුරු මෑණිවරුන්ට පියවරුන්ට දෑත් එක්කොට මුළු හදවතින්ම සුභ උදෑසනක් / Good Morning යනුවෙන් ප්රාර්ථනා කිරීම අපේ සම්ප්රදායක් වේ.
- දෛනිකව පන්ති කාමරය සහ පන්තිය අවට පිරිසිදු කළ යුතුය.
- පළමුව සීනුව නාද වීමත් සමඟ ම පන්තිවලට යා යුතුය. ප්රධාන රැස්වීම පවත්වන දිනවල දී දෙදෙනා බැගින් පේළි සෑදී අදාළ ස්ථානය කරා යා යුතුය.
- (රැස්වීම නොමැති) සාමාන්ය දිනවල දී දෙවන සීනුව නාද වන විට සියලුම දෙනා පන්ති කාමරවල නිශ්ශබ්දව සිටිය යුතුය.
- පන්සිල් ගැනීම / පාසල් ගීය ගායනා කිරීම / ඡත්ත මානවක ගාථා ගායනා කිරීම / ජාතික ගීය ගායනා කිරීම සියලු දෙනා එක්ව කළ යුතු වේ.
- සුදුසු ඉරියව්වකින් (වාඩි වී දෑත් එක්කොට දෙකකුල් මත තබා හිස සෘජුව තබා) භාවනා කළ යුතුය.
- ප්රවෘත්ති / නිවේදන ඉදිරිපත් කරන අවස්ථාවලදී නිශ්ශබ්දව සවන් දිය යුතුය.
- ආපන ශාලාව සහ සමූපකාරය පාසල ආරම්භ වීමට පෙර හා විවේක කාලයේ දී පමණක් භාවිතා කළ යුතුය.
- විද්යාගාරයට / පුස්තකාලයට / කාර්යලයට හෝ වෙනත් ස්ථානයක් කරා යන විට පන්ති මට්ටමින් දෙදෙනා බැගින් පේළියට යා යුතුය.
- ආපන ශාලාවට / වැසිකිලියට හෝ වෙන යම් ස්ථානයකට යන සෑම විටකදී ම පන්ති අවසර පත්රය භාවිතා කළ යුතුය.
- පන්ති කාමරයෙන් බැහැර දී ගුරු මෑණිවරුන්ට පියවරුන්ට කථා කිරීම ආරම්භ කරන විට දෑත් එක්කර අවසර ගත යුතුය.
- පන්තියෙන් බැහැර සිට පන්තියට පැමිණෙන විට දී ඉගැන්වීම් කරන්නේ නම් දෑත් එක්කොට ගුරුවරයාගෙන් අවසර ගෙන පන්තියට ඇතුළු විය යුතුය.
- විවේකය / පාසැලේ දෛනික කටයුතු අවසන් වීමට පසු සීනු නාද වන විට කරන සියලුම කාර්යයන් නවතා දෙදෙනා වශයෙන් (දුවන්නේ නැතිව) ඉක්මනින් පේළියට පන්තියට පැමිණිය යුතුය.
- අපට අයිති නැති පාර්සලයක් / භාණ්ඩයක් / මුදලක් / පොත් පත් ආදිය ලැබුණොත් , අපේ නම , පන්තිය සටහන් කොට කාර්යාලයට භාර දිය යුතු වේ.
- අක්කා , අයියා , නංගී , මල්ලී යනුවෙන් එකිනෙකා කෙරෙහි සහෝදරත්වයෙන් ඇමතීම කළ යුතුය.
- කිසියම් වරදක් සිදුවූයේ නම් ඕනෑම අයෙකුගෙන් නිහතමානීව සමාව ගත යුතු වේ.
- පන්තියේ / අංශයේ / පාසලේ අපේම අයෙක් වරදට යොමුවන්නේ නම් කාරුණිකව පහදා දී වරදින් මුදවා ගත යුතුය. එසේ කිරීමට නොහැකි නම් පමණක් උපදේශනය සඳහා ගුරු මෑණිවරුන්ට / පියවරුන්ට යොමු කළ යුතු වේ.
- කාර්යාලයෙන් කර ගැනීමට ඇති අවශ්යතාවකදී හැර කාර්යාලය ඉදිරිපිට කොරිඩෝවේ ගමන් කිරීමෙන් වැළකිය යුතුය.
- මල් පාත්ති , මල් පෝච්චි , මල්ගස් හොඳින් නඩත්තු කළ යුතුය. විනාශ නොකළ යුතුය.
- ආරක්ෂා කරමින් , ගමන් කිරීමට වෙන් කර ඇති කොටස් වලින් පමණක් එහා මෙහා ගමන් කළ යුතුය.
- පූජා කිරීම සඳහාත් , වාස්වවලට දැමීම සඳහාත් පන්ති මට්ටමෙන් මල් නිවෙස්වලින් රැගෙන ආ යුතු වේ. පාසලේ ඇති මල් , පලතුරු , තැඹිලි ආදිය කැඩීමෙන් වැළකිය යුතුය.
- පොලිතීන් භාවියෙන් සම්පූර්ණයෙන් ඉවත් විය යුතුය.
- බිත්තිවල / වැසිකිළිවල / ඩෙස් මත හෝ වෙනත් ස්ථානවල අනවශ්ය දෑ ලිවීමෙන් වැළකිය යුතුය. නිර්මාණාත්මක දෑ අදාළ දැන්වීම් පුවරුවලට / බිත්ති පුවත්පතට යොමු කළ යුතුය.
- පෙළපොත් නිසි පරිදි භාවිතා කොට ඊලඟට එන නංගිලා මල්ලිලාට දීමට පරිස්සම් කළ යුතු වේ. සටහන් පොත් ක්රමත්ව තබා ගත යුතුය.
- අයිස් පැකට් , ටොෆි දවටන , මුරුක්කු පැකට් ආදිය පාසල තුළ දැමීමෙන් වැලකී සිටිය යුතුය. එවන් දවටනයක් පාසල් භූමියේ දුටු විගසම අහුලා ඉවත් කළ යුතුය.
- ප්රධාන රැස්වීමක දී , ත්යාග ප්රදානෝත්සවයේදී හෝ වෙනයම් සමූහයක් ඉදිරියේදී නිශ්ශබ්දව එම අවස්ථාවට අවධානයෙන් සිටීමෙන් විදුමව්ගේ අනන්යතාවය තහවුරු කළ යුතු වේ.
- මානව දයාව උතුම් මිනිස් ගුණාංගයක් ලෙස සැලකිය යුතුය. එහෙත් ශිෂ්යභාවයට නොගැලපෙන සම්බන්ධතා අනවශ්ය දෙයක් බව දැන අධ්යාපනයට මුල් තැන දිය යුතුය.
- ක්රීඩා පිටියට ගොස් විනීතව ක්රීඩා කොට වින්දනයක් ලැබිය යුතුය. ජය ලබමු. අනවශ්ය පරිදි විසිල් ගැසීම් / හූකීම් ආදියෙන් වැළකිය යුතුය.
- පාසලේ සිටින ගුරු මෑණිවරුන් , පියවරුන් සියලු දෙනාගේම නම් දැන ගනිමින් සැමට එක සේ ගරු කළ යුතුය.
- පිරිත / දානමය පුණ්යකර්මය වැනි විෂය සමගාමී කාර්යයන්හි නිරත වෙමින් යහපත් පුරවැසියෙකු සතු වගකීම් හඳුනාගෙන කටයුතු කළ යුතුය.
- අනධ්යයන කාර්ය මණ්ඩලයේ මහත්ම මහත්මීන්ට ද ගරු කරමින් ඒ අයගෙන් නිසි සේවාවන් ලබා ගත යුතුය.
- ආපනශාලාව භාවිතයේදී අපට අදාළ ස්ථාන පමණක් භාවිත කළ යුතුය.
- ශිෂ්ය නායක / පන්ති නායක / නිවාස නායක / විෂය නායක ආදී අපේ සහෝදර සහෝදරියන්ගේ යෝජනාවලට නම්යශීලීව එකඟ වී කටයුතු කළ යුතුය.
- කොට්ඨාස / කලාප ආදී වූ බාහිර පාර්ශවයන් සමඟ ක්රීඩා කරන විට දී හෝ එම ක්රීඩා තරඟ පවත්වන විට දී විදුමෑණියන්ගේ ගෞරවය ආරක්ෂා වන පරිදි කටයුතු කළ යුතුය.
- කාලච්ඡේද අතරතුර / ගුරුභවතෙකු පැමිණෙන තෙක් අනවශ්ය ඝෝෂා කිරීම් වලින් වැළකී , අදාළ කාලච්ඡේදය සඳහා සූදානම්ව සිටිය යුතුය. (අනවශ්ය ඝෝෂාවක් වූ බව පෙන්වීමක් බව දැනගත යුතුය.)
- පාසලේ භෞතික සම්පත් ඉදිරි පරම්පරාවන්ට ද අයත් වන නිසා ඒවා පරිහරණයේදී දැඩි අවධානයකින් කටයුතු කළ යුතුය
ඉබ්බාගමුව මධ්ය විද්යාලය
ඉබ්බාගමුව
ඉබ්බාගමුව මධ්ය විද්යාලය
"ගවේශා"විද්යා දින සැමරුම
ඉබ්බාගමුව මධ්ය විද්යාලය
Ibbagamuwa Central College, Dehelgamuwa Rd, Kurunegala
Supported By
